Лео Штраус
|
|
Герман хэлнээ Leo Strauss |
|
Мэндэлсэн он
|
1899
оны есдүгээр сарын 20
|
Мэндэлсэн
газар
|
Герман
улс, Кирххайн
|
Бие барсан он
|
1973
оны аравдугаар сарын 18, (74 нас)
|
Бие барсан газар
|
АНУ,
Аннаполис
|
Харьяалал
|
АНУ
|
Эрдмийн зэрэг
|
Докторын
зэрэг
|
Альма-матер
|
·
Хамбургийн Их Сургууль
·
Фрайбургийн Их Сургууль
·
Марбургийн Их Сургууль
·
Колумбын Их Сургууль
|
Дэг сургууль
|
Консерватизм,
платонизм
|
Чиглэл
|
Өрнө
Дахины философи
|
Цаг үе
|
XX зууны философи
|
Үндсэн сонирхол
|
Метафикик,
нигилизм, Еврейн гүн ухаан
|
Нөлөө үзүүлсэн хүмүүс
|
Платон,
Хайдэггэр,Мартин, Бэнедикт Спиноза
|
Лео Штраус (Герман хэлнээ: Leo Strauss; 1899 оны есдүгээр сарын 20 — 1973 оны аравдугаар сарын 18) — Герман-Америкийн улс төрийн философич, улс төрийн философийн түүхч, соёл
судлаач нэгэн. Чикаго Их Сургуульд ажиллаж, улстөрийн сэтгэлгээний түүхээр лекц
уншиж байсан.
Цадаг намтар
Балчир нас
Лео Штраус Марбург хотноо Еврей гэр бүлд мэндэлсэн.
Марбургийн Их Сургуулийн дэргэдэх гимназид суралцсан. Дэлхийн нэгдүгээр дайны
үед эзлэгдсэн Бельгид Германы армийн орчуулагчаар ажиллаж байсан.
Дайны дараагаас Марбург, Франкфурт-на-Майн, Берлин,
Хамбург хотуудад суралцсан. Гүн ухаан, математик, байгалийн ухаан судалсан.
Эдмунд Гуссерль, Мартин Хайдэггэр нарын лекцийг сонсож байсан. Хамбургийн их сургуульд
1921 онд магистр, 1925 онд докторын зэрэг горилсон.
1925-1932 онуудад Берлин хотноо Еврей Судалгааны
Академид ажилласан. Өгүүлэн буй үед түүний үзэл санаанд Карл Шмитт онцгой нөлөө
үзүүлсэн байх бөгөөд Шмиттийн туслалцаатайгаар 1932 онд Лео Штраус Рокфеллерын
нэрэмжит тэтгэлэг хүртсэн байна.
Франц улс
1932 онд Герман улсыг орхиж, Париж хотноо хүрэлцэн
ирж, Мириам Бэрнзон авхайтай урагласан байна.
Их Британ улс
1934 онд Их Британи улсыг зорьсон байна. Зарим үе
Кэмбрижийн Их Сургуульд ажиллаж байжээ.
АНУ
1937 онд АНУ-д хүрэлцэн ирсэн. 1938-1948 онуудад
Нью-Йорк хот дахь Нийгмийн Судалгааны Шинэ Сургуульд улстөр судлалын багшаар
ажилласан байна. Германид үлдсэн түүний бүх төрөл төрөгсөд 1942 онд бөөнөөр
хорих лагерьт үхсэн юм. 1949-1967 онуудад Чикаго Их Сургуулийн улс төрийн философийн тэнхимийг
толгойлсон байна. 1968-1969 онуудад Калифорни дахь Клермонтоны Эрэгтэйчүүдийн
Коллеж, 1969-1973 онуудад Аннаполис дахь Ариун Жоны нэрэмжит Коллежид тус тус
багшилсан байна.
Улстөрийн философи
Үзэл санаа, онол
Хуго Хроций, Жон Локк нарын
хөгжүүлсэн жам ёсны эрхийн сургаалыг шинэ агуулгаар баяжуулсан байна. Хүний эрх,
эрх чөлөө түүний төрмөл шинж чанараар баталгаажина. Хүн төрөлхийн эрх чөлөөт
амьтан мөн.
Неоконсерватизм
Лео Штраусыг неоконсерватизмын
гүн ухааныг үндэслэгч гэж үздэг байна. Эртний Грек-Ромын их сэтгэгч болох
Сократ, Платон, Аристотель нарын үзэл санаан дээр тулгуурлан неоконсерватизмын
философийн үндсийг томьёолсон байна. Мөн тэрээр Макиавэлли, Хайдэггэр нарын
үзлийг шүүмжлэхийн зэрэгцээ Бэлла, Глэзера (Nathan Glazer), Хоува (Irving Hove), Ирвинг Кристол нарын сургаалыг хөгжүүлсэн юм. Йелийн Их Сургуулийн
профессор Стивэн Смит «Лео Штраус нь
неоконсерватист үзэлтэн байгаагүй вм. Тэрээр либерал ардчиллын онолыг
хөгжүүлэгч нэгэн байв. Улстөрийг баруун, зүүний алинаар нь ч бус, гагцхүү
дээрээс хардаг байлаа» хэмээн бичжээ.
Шавь нар
МОНГОЛЧИЛГО ХИЙСЭН: ЭТҮГЭН ИХ СУРГУУЛИЙН НИЙТИЙН
ЗАХИРГАА, УДИРДЛАГЫН БАГШ, УЛС ТӨР СУДЛААЧ НЯМААГИЙН ОТГОНБАЯР
